About

Pinay

Ako ay bahagi ng bansang iniibig ko. Ako ay binibini ngunit hindi mahinhin kung dalhin ang sarili. Maikli ang buhok ko dahil ito ang gusto ko.

Bilang babae, gusto kong ibahagi na ang pagiging maganda ay hindi kailangan ng pagsang-ayon ng iba. Ito ay nararamdaman at hindi dapat ipilit na makita nila.

Hindi ko layunin na ako’y inyong mahalin. Ngunit isang birtwal na yakap kung may pagpapahalagang nais paliparin papunta sa akin. At para naman sa mga taong lason – maghanap kayo ng lalasunin niyo dahil palalayasin ko lang kayo sa social media o sa mismong buhay ko. Hindi ko balak mamuhay para inumin ang lason ng pagkatao niyo.

Ako ay nasa punto na ng buhay ko kung saan higit na mahalaga na ang kapayapaan ng kalooban kaysa ang mga bagay na nakalalason ng isip at kaluluwa.

Ngunit layunin kong ibahagi ang aking mga sulatin at iba pang trip gawin. Samahan niyo ako sa mga pagtuklas ko sa mundong ating ginagalawan, mga kuro-kuro mula sa mga usapin na gusto kong pakialaman, mga karunungan at kaalaman na ating pagsasaluhan, at mga paglalakbay rito sa ating panandaliang buhay.

 

I don’t want to be defined

Ang pagkakakilala ko sa aking sarili ang higit na mahalaga kaysa sa sasabihin ng iba.

 

 

---

Maaari niyo ring bisitahin ang isa kong website na: https://wikangfilipinoatpanitikan.com 🙂