Archive for the ‘Mga – Usapin’ Category
Ang Blame Game, ang Negativity, at ang Bansang Pilipinas
Posted: April 2, 2020 in Iniibig ko ang Pilipinas!, Mga - UsapinTags: Crab Mentality, Divided Nation, Divided Philippines, Kanser ng Lipunan, Problema sa Pilipinas, Suliranin ng Bansang Pilipinas, Toxic Filipino Culture
Mayroon nga bang Huwad na Katotohanan?
Posted: October 31, 2017 in Mga - UsapinTags: Ang maniwala sa sabi-sabi, Biktima ng Fake News, Fake News, Katotohanan vs Fake News, Maling Impormasyon, News vs Fake News, Pagsusuri sa Fake News, Responsableng Pamamahayag, Truth vs Fake News
Ang maniwala sa sabi-sabi ay walang bait sa sarili.
Ito ay lumang kasabihan na maaari pa ring kapulutan ng aral ng kasalukuyang henerasyon patungkol sa lumalaganap na isyu na tinatawag na fake news.
Gusto kong bigyang kahulugan muna ang mga salitang ito. Ang fake sa Filipino ay huwad, na ang ibig sabihin ay hindi totoo. Samantalang ang “news” naman ay balita. At bilang journalist noong ako’y nasa high school, naalala kong sinabi ng aking guro na si Ma’am Ayla na ang news ay factual report of an event. Nang ako ay magkolehiyo sa kursong Mass Communication, gayun din ang simpleng kahulugan na ibinigay sa salitang “news.”
Sa madaling salita, kung ang news ay factual information, maaari ba nating sabihin na may huwad na katotohanan? Mayroon nga bang fake news?
Ang sagot ay WALA. Wika nga ng kilalang mamamahayag na si Raffy Tima, “It’s either news or fake information.”
Ang tiwala sa balita ay bumaba na dahil na rin sa mga iresponsableng mga tao na nagpapalaganap ng maling impormasyon. Nawa’y magkaroon ng panibagong perspektibo ang mga tao na huwag maliitin ang salitang “balita” o “news.” Bagkus, ikategorya na “news” ang pag-uulat sa totoong impormasyon at sabihing “fake information” ang mga lumalaganap na impormasyong hindi totoo.
Kaya mahalagang matutunan ng bawat isa na kilatisin ang mga impormasyong bumabaha sa social media nang makilala kung ito nga ba ay news o fake information lamang.
At hindi na nga maitatatwa na marami na ang naging biktima ng maling impormasyon. Kaya naman balikan natin ang ating kasabihan na nasa sa itaas: Ang maniwala sa sabi-sabi ay walang bait sa sarili.
Ang unang dapat gawin ng mga tao ay huwag maniwala agad sa sabi-sabi. Hindi porke’t nabasa mo ay totoo na. Hindi porke’t sinabi ng kakilala mo ay totoo na. May dapat kang gawin- MAGSURI. Suriin ang nabasa o narinig. Sino ang nagsabi? Saan galing ang impormasyon? Mapagkakatiwalaan o nasa awtoridad ba?
Kung may pag-aalinlangan sa iyong sagot sa mga tanong sa itaas, lalong mas dapat kang magsiyasat nang hindi mo rin masabi ang winika ni Communications Assistant Secretary Mocha Uson, “Biktima rin po ako ng fake news.”
Maging responsable sa mga papaniwalaan nang hindi maging biktima. Maging mabait sa sarili, sa pamamagitan nang hindi agad paniniwala sa mga sabi-sabi. Ang iyong isip ay marapat na pakainin lamang ng mga totoong impormasyon. At kinakailangan mo iyong pagtrabahuhan. Oo, kailangan mong pagtrabahuhan dahil ang katotohanan ay hindi isinusubo lamang.