keep-calm-and-stay-single-2014

Ang puso ko ay malaya, maramot at matigas

Ang dilag na ito ay walang kinikilalang batas

Kung ikaw ay mahina, marupok at walang lambing

Huwag nang tumuloy na ako’y iyong suyuin.

 

Hindi ko kailangan ng napakamabait

Ang nais ko ay yaong marunong mag-isip

Kayang ipaglaban mga ideya at prinsipyo

Sa huli ang mahalaga ay paglago ng pagkatao.

 

May ilan nang kumatok at nagpumilit pumasok

Marapat na malaman mo na ang puso ko ay pakipot

Ngunit maaari rin namang di ka talaga irog

Sa kasikatan ng pangangalunya di ko nais mabilog.

 

Sa mga napalapit kay dami ko ring natutunan

Sa pagbuo ng ideya sa kanila ko hiniram

Mga gawi at pag-uugali na pakikisamahan

Nalaman ko kung ano ang kaya kong pakitunguhan.

 

Sa palasyo ng hari, di ko nais mamalagi

Ang mundo ng pantasya ay hindi ko pinili

Dahil noo’y may prinsipe akong nakilala

Na ang nais lang ay halik at haplos ng dalaga.

 

Ang puso ko ay nakalaan sa ginoong matapang

Sa yayakap ng aking buong katauhan

Sa may maalab na pag-ibig sa buhay at pangarap

O magkita tayo sinta sa hinaharap.

 

 

PS: Maligayang araw ng mga puso! Kayo, kumusta ang mga puso nyo?😉

*I do not own the posted image. All rights belong to its rightful owner.

Comments
  1. […] believe in destiny? Yes. Why? I just know.🙂 What attracted you the most? Eyes and wit. Dreamboy: Lalaking may maalab na pag-ibig sa buhay at pangarap. And someone who has an interesting mind. Happiest Moment? It’s whenever I laugh. Cause I always […]

  2. 🙂 makiki-usyoso lang. belated happy v-day.

  3. Nakaka pag bigay na Inspirasyon! Salamat

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s